ГӏалгӀайчен прокуратуро лора новкъостал дир, 1 миллион сом хьаэца
28.01.2026 15:50
ГӏалгӀай мехкарча прокуратуро новкъостал дир лора, цкъара луш дола 1 миллион сом хьаэца, яхаш, дийцар «Сердало» газетага республикан тӀахьожама боахаме.
«Тӏахьожама болх дӀабихьар Наьсарен кхален дарбанчес, бокъонах доацаш, «Земски лор» яха ахча хьа ца луш дитарах.
Гучадаьлар, цу сага болх моттигерча даькъа юкъебоагӀаш бац, аьнна, из соцадаь хилар.
Прокуратура бокъонаш дӏагойтарах, ГӏалгӀай Республикан унахцӀенон Министерствос, цу сага болх реестра юкъебаьккхар, цунна хьаделар доагӀаш дола 1 миллион сом ахча. Цул совгӀа, Ӏалашо йир йоагӀача беса 2026 шера реестра чудоагӀача балхашта.
