Гӏалгӏай мехка хилар Даькъасте лораеш лаьттача тӏема хетаяь кхетаче
«Даьхен лорабой» ганза Гӏалгӏайчен филиала болхлоша, СВО доакъашхоша дакъа лаьцар Даькъасте лораеш лаьттача тӏема хетаяьча, «Россе къамаша, Даькъасте бахьан латаш, моастагӏа вохавар» яхача Халкъашта юкъерча кхетаче. Из кхетаче вӏашагӏъеллаяр арахьарча бувзама, къаман политикан, зарбан, хоамий Министерствос; ӏоахарганаькъан Ч. цӏерагӏча ӏилман - тохкама институтаца цхьана. Ганза новкъосталца вӏашагӏтехар исторически дагалоаттам дӏабахьа, мехкагадоаккхачун проекташ ювцара кагирхой, ветеранаш.
«Кхетаче дакъа лоацаш бар ганза вахара оагӏонца бувзабенна болх лелабераш: Къоастой Ева, Цӏолой Руслан; СВО ветеранаш, Гӏаьбартой-Балкхарой сий дола хьаьший, юкъарлон, ветераний организацей викалаш, иштта паччахьалкхен университета студенташ. Кхетачен программа чуйоагӏаш яр йоккха кхетаче, «Магӏалбик» оалача тохкама тоабо кийчбаь гойтам, иштта КБР, КЧР цӏихезача артиста Мизиева Таубияй «Юкъахдита халхар» яха книжка довзийтар», - аьлар «Сердало» газетага «Даьхен лорабой» ганзе.
Из кхетаче дӏахьош гулбеннарашта йовзийтар тохкама докладаш, мехкагадоаккхачун проекташ. Уж кийчъяьяр Гӏалгӏай паччахьалкхен университета студенташа. Уж балхаш лаьрхӏа дар Сийлахь-боккхача тӏемах дола бакъдар лорадара, иштта советски салтий денал, майрал довзийтара.
Вӏашагӏкхетара программа дӏахьош; экскурси йир; Магаса, Наьсарен исторически моттигашка гӏолла.
