МФТИ дешара программа йоаржайир мехка
Яндарерча «Олимп» яхача лакха начӏал долча берий лицее Московски физико- технически института дешара программа йоаржаеш моттиг хилар. Ӏилман оагӏонцара кӏоаргаленаш йовзаш хилар бӏарччача кӏира вай мехкара, Селий мехкара, Гӏаьбартой-Балкхарой, Къарший-Черсий республикашкара начӏал дола 50 дешархо. Из хоам «Сердалога» бир мехкарча Паччахьалкхено.
Кӏоарга, дукха хӏама чулаьца программа яр йоаржаеш хиннар. Физика тамашийна долча оагӏонашка гӏолла тохкамаш деш хилар дешархой; МФТИ боккхача хьехархоша Базаров Кирилла, Садеков Дамира, Зверев Глеба тӏахьожам беш.
Лекцеш хиларал совгӏа, шоаш ӏомадаьр физически къовсамашка гойта аьттув бар цар.
Мукъа долча хана, вай мехкара культура, истори довзаш хулар бераш. Магасера Барта Гӏала йолча хилар уж, иштта Илдарха-Гӏалий тӏарча кхоллама паччахьалкхен музее гӏолла экскурси йир. Вай мехкарча дешареи ӏилмани гӏулакхех йолча министерствоца цхьана дӏабихьа болх бар из.
Программа йоаржаеча гӏо де эттар «Кванториум» берий технопарк, «Олимп» яха лицей. Къилбаседа Кавказерча кагирхой ӏилман-технически оагӏонцара говзал лакхъеш болх хилар цох.
