Магаса мэра Кубок яккхара яхь дӏайихьар вай мехка
Культурах, спортах, туризмах йолча моттиго, жӏакай Федераце болхлошца, Магаса мэра Кубок яккхара яхь дӏайихьар мехка. Из хоам «Сердалога» бера ЦКСиТ кулгалхочун гӏонча волча Янданаькъан Абтегара.
«Магас» яхача жӏакай клубацара болх йистебалара, 38 дешархочоа юкъе, из хьаеллара хетаяь яр яхьаш. 2015-ча шерга кхачанза бола къонабараш бар дакъа лаца гулбеннараш.
Кӏаьнкашта юкъе котало Дзейтанаькъан Ахьмадага кхаьчар, шоллагӏча моттиге эттар Цисканаькъан Хьусен. Хӏаьта кхоалагӏа моттиг яккхарца белгалваьлар Марзабиканаькъан ӏимран.
Йиӏигашта юкъе хьалхара моттиг Олиганаькъан Лидияйга кхаьчар, дото майдилг Оздой Дале йихьар, хӏаьта кхолагӏча моттиге Касенаькъан Амина эттар.
Дукхагӏа баллаш ярашта юкъе котваьлар, цо дошо майдилг дӏаэллар, Бохтаранаькъан Дени; шоллагӏа, кхоалагӏа моттигаш Исмейланаькъан Мухьаммада, Харсенаькъан Алияйна кхаьчар. Магаса мэра Кубок Бохтаранаькъан Дене яьккхар.
