ГIалгIай лаьтта дIадихьар Ерригроссийски ахархой диктант
ГIалгIай паччахьалкхен университет, «Ахархой диктант» яхача Ерригроссийски проекта керттерча майдаех цаI хилар. Кхетаче лаьрхIа яр ахархой боахама хьал шерагIа довзийтара, из вIашагIъеллаяр, «Россе юрт» яхача партийни проекта чуйоагIаш, «ЦаI йола Росси» яхача парте. Цу федеральни, хIама довзийтара лаьрхIа дIахьоча балха маIан дар бахархошта мехка ахархой промышленни комплекс дикагIа дIайовзийтар, моттигий таронаш хьаеллар, иштта дIагойтар юртбоахам дегIабоалабара таханара таронаш малагIаш я.
«Карарча шера Ерригроссийски ахархой диктант дIахьош да шозлагIа. ИнгГУ майдан тIа гулвелар 100 доакъашхо, царна юкъе бар студенташ санна, университета хьехархой а, цу даькъ тIара хьал довза безам бараш а. Шийна фу хов хьажара болх вIашагIбеллабар хоржача кепе, цун чудоагIаш дар 30 хаттар, цо юкъедоахар тайп-тайпара дола боахама хьалаш. Цу тайпара болам республикан хьалхале лелаеча вуза даькъ тIа дIахьош хиларах, таро хул АПК кагирхой юкъебаха»,- аьлар «Сердало» газетага республикан керттерча вуза зарбан болх лелабераша.
Таханара Россе ахархой промышленни комплексах дукха ха я экономика лакха йола технологически боахам хинна. Цу даькъ тIа болх лелабеча доакъашхой, дешара проектий дика таронаш я тахан АПК даькъ тIа юкъедоахаш дола кердадараш довза. Тахан юртбоахама балха юкъеяьхай гIетташ йола аппараташ, цар хьагойт кхай тIара хьал, наха кхелла хьаькъал да хьувкъам мишта хургба хьагойташ, иштта кхыдола гIирсаш да.
Уж технологеш йовзаш хиларо кагирхошта, говзанчашта новкъостал ду кхыча тайпара хьажа цу даькъ тIа деча балхашка. Ахархой гонахьено йоккхий таронаш хьаелл ИТ-говзанчаш, инженераш, генетикаш, хоамий мах бергбола кхелахой дегIабоалабеча. Таханарча заман АПК болх - из дика накъабоалаш хиларал совгIа, лоархIаме а ба берригача мехка, кхачан даараш Iалашдара.
