ГӏалгӀай мехка хилар «ЦаӀ йолча Россе» моттигерча даькъа кхетаче
Магасерча культуран дегӀаахара Центре хилар ГӏалгӀай мехкарча «ЦаӀ йола Росси» яхача парте ХХХVӏ-гӀа Кхетаче. Цига дакъа лоацаш вар республикан Кулгалхо, парте Лакхарча совета доакъашхо Келаматанаькъан Махьмуд-Ӏаьла, сенатораш, Паччахьалкхен Думан депутаташ, Ӏаьдала викалаш, партийни болхлой.
Конференце бийцар парте моттигерча даькъа болх, иштта из хьежар болхлошца дувзаденнача хаттарашка. Керттера дош дар моттигерча даькъа керда секретарь хьаэцар. Из хилар РФ сенатор Илезов Михаил. Цун оагӏув, цхьа барт болаш, хьаллаьцар делегаташа.
Доакъашхошца къамаьл деш, Келаматанаькъан Махьмуд-Ӏаьлас баркал аьлар парте доакъашхошта, республика дегӀайоалаеча цар доккха дакъа юкъедарах.
«Парти массайолча хана хиннай Президента новкъост, моттигашка цун никъ дӀахьош. ГӏалгӀайче из болх белгалбоалаш ба вахара даькъ тӀа, дезал хьаллоацача, лаьрххӏача операце ветераний, доакъашхой йоакхо еча, къахьегамхой теркам беча», - аьлар цо.
Республикан Кулгалхочо иштта белгалдир цхьана, барт болаш болх дӀахьош хилар.
«Вай къаьста дахаш дац, ГӏалгӀайче йоккхача Россе дакъа да, цудухьа, тахан вай бехктокхаме, цхьоагӀо йолаш хиларах тийша да республикан бахархой вахар», - аьлар Келаматанаькъан Махьмуд-Ӏаьлас.
Юххера а, кхетаче чакхйоалаш, республикан кулгалхочо кердача секретара ловца баьккхар; балха тӀа аьттув, хӀаьта берригача доакъашхой беркате болх хилар ловш.
