Гӏалгӏайче кхетаче дӏайихьар СВО ветеранаш, цар дезал хьаллоацача кхело
Гӏалгӏай мехка кхетаче дӏайихьар «Даьхен лорабой» ганза хаттарех йолча боахамашта юкъерча кхело. Из кхетаче дӏахьош кулгал деш вар республикан Кулгалхочун Администраце, Паччахьалкхен кулгалхо Мархенаькъан Анзор. Кхетаче дӏахьош цун доакъашхой хьежар лаьрххӏача операце тӏема бӏухошта, цар дезалашта, заӏапхошта, иштта бейнача бӏухой дезалашта новкъостал лоаттадара дешашка.
«Кхетачен чаккхе еш лаьрхӏар, лорий хьалаш юкъедоахаш бӏухой, цар дезалий могашал меттаоттаяра дола новкъостал лоаттаде, МСЭ ганза тоабаш, кхыйола балха моттигаш, уж нах бахача дӏаухаш, берашта психологически гӏо де дезаш хилар. Мархенаькъан Анзора тӏадиллар из кхоачашдара тӏахьожам лоаттабелга. Цо яхачох, цу тайпара хоадам болаш болх дӏахьош хиларо таро лургья лорий новкъостала дикал лакхъе, ветеранашта, цар гаргарча наха лорий новкъостал лоаттаде», - аьлар «Сердало» газетага Гӏалгӏайчен Паччахьалкхене.
Лаьрххӏача операце бӏухой, цар дезал хьаллацар паччахьалкхен вахарца дувзаденна декхар хинна ӏац, ерригача юкъарлон цхьоагӏо, барт хилара кӏийле я из. СВО доакъашхошта новкъостал лоаттадар мехка хургдолчун, наьха могашала лаьрхӏа йола йоккха программа я, цига хӏара бӏухочун ховш да, шийна карагӏдаьннар мах болаш, лоархӏаш долга, иштта ший дезала даим терко лоаттаергйолга.
