Халкъа фронта моттигерча штаба кхетаче хилар
ГӏалгӀай мехка Халкъа фронта моттигерча штаба кхетаче хилар. Цига дийца керттера дош дар вай бӀухой хьаллацар. Кхетачен доакъашхоша дийцар балха толамех, иштта белгалдир кастлуш кхоачашде деза декхараш.
«Вай низ - цхьана хиларца. Хӏара юкъедахьа дакъа, волонтёраш бале а е новкъостала хьабоагӀа нах бале а, лоархӀаме да», - аьлар ГӏалгӀайчен Халкъа фронта викала, «Сердало» газетага ше къамаьл деш.
ГӏалгӀайчен халкъа фронта доакъашхоша цӀаькха а белгалдир, тахан тӀема мугӀарашка латта вай бӀухой - кагий нах денал долаш хилар. Царех хӀаравар Даьхен декхар кхоачашдара масал да. Уж хьаллацара республике дӀахо а «Халкъа фронт. Деррига коталон!» яха проект дӀахьош я.
Гуманитарни гӀо дӀакхоачийт уж тӀом беш болча моттиге, гулдаь ахча дӀадохьийт царна тӀабувха гӀирс, молхаш эца, цунца цар вахар лорадеш.
Моттигерча штаба доакъашхошта баркал оалаш каьхаташ делар. Из да цар хӀара деннара къахьегам, республика дегӀаяра юкъедахьаш дола дакъа, фронта деш дола новкъостал тӀаэцар.
