«Географи-берашта» яха лаьрххӀа бола болам хилар вайцига
ГӏалгӀай мехкарча Эрсий географически юкъарлоно, Кагирхой центраца, «Географи. БЖД» яхача ГӏалгӀай паччахьалкхен университета кафедраца цхьана дӀабихьар Ӏадатий вахара болам. Кхетаче хилар, Лохерча Ачалкхерча могашал эшаеннача берий цахаддаш долча дешара Центре. Из болх вӀашагӀбеллараша лаьрхӀар, берашта дикагӀа довзийта географе дуне, царна ховр кхы а дукхагӀа де, хьамсара мохк бовзийта.
«Географи-берашта» яха вахара болам дӀахьу, Эрсий географически юкъарлоно 2018 шера денз, Россе тайп-тайпарча мехкашка, иштта даьй боацаш дисача берий моттигашка. ГӏалгӀайче уж кхетаченаш дика лоархӀаш я, хӀара шера могашал эшаеннача бераш долча дикача гӀулакхий боламаш дӀакхухь, берашта кердадараш довзийташ. Укх наькъа цу центра дешархошта дика программа вӀашагӀъеллаяр», - аьлар «Сердало» газетага ИнгГУ зарбан болх лелабераша.
«Географи-берашта» яха акци Деби-Юрта дӀаяхьаро хьагойт, Ӏилман юкъарлон вахара бехктокхам лакха хилар. Кхетачено хьагойтар, географи ховш хилар берашта эшаш долга, моллагӀа йола могашала белгалонаш цар яле а. Цу тайпарча боламо дешара хьал мах болаш ду, дика юкъарло хьакхолл, цига хӀара бер таро йолаш да дегӀада а хӀама довза а.
