Мохк бовзийташ лелача гидашца лоархӏаме болх дӏабахьа арабаьлар мехка
Мехкарча кагирхой гӏулакхех йолча комитета болхлой гидашта шоай балхацара цхьаццадараш довзийта, царца болх дӏабахьа лоаман моттигашка баха хилар. «Сердалога» из хоам бера цу моттигера.
«ӏалама гӏулакхех йолча Президентски ганза хьаллоацаш проект я из тахан. Цу проектага гӏолла гидашта хьех, Цӏеча книжкан юкъе йолча баьцовгӏашта юхе кхаьчача мишта хила веза, иштта кхыдола цар балхаца дувзаденнараш а.
Аренашкарча ишкола болх Аьга-Кхала, Лейме, Даьлатӏе, Картски моттига наькъашка гӏолла дӏахьош бар. Къаьстта цу моттигашка я Цӏеча книжкан юкъе йола, наггахьа мара нийслуш йоаца баьцовгӏаш. Цудухьа чӏоагӏа лоархӏаме да цига кхаьчача лораде дезараш довзийтар, уж баьцовгӏаш йовзийташ бола болх мишта дӏабахьа беза хьалхадаккхар.
Деррига хӏама туристаша дикагӏа кхетадергдолча тайпара дӏадувца ӏомабир гидаш. Цигарча наькъашца, наггахьа мара нийслуш йоацача баьцовгӏашца, экологически оагӏонцарча экскурсеца дувзаденнараш боаггӏача боараме довза дезаш, шаьрдаь хила безаш ба гидаш», - йоах тахан тхога кхаьчача хоамо.
