«Магас» яхача OOO, ӏан доакъара кийчо мишта яьй хьежар
29.08.2026 17:05
ӏан деношка доакъара кийчо яр малагӏча боараме да хьожаш хилар ООО «Магас» яхача ООО. Шийлача хана хьайбашта хьаьна, дика доакъар хургдолаш, къахьегаш ба карарча хана ахархой.
«Хьекхачул тӏехьагӏа силосни кӏоагашка дӏадоллаш дола доакъар ӏан хана ма хулла дикагӏа хургдолаш де дезарех дийцар цига. Иштта ялат чуэцаш йоахкача машиний гӏулакх, из беррига болх мишта латт хьежар. Чуэцаш дола доакъар боаггӏача боараме баьццарал долаш, хьаьна долга белгалдир цига, болх а ханнахьа дӏаболабаьб», - хоам бу «Сердалога» юртбоахама гӏулакхех йолча министерствос.
Юххьанца къоастадаьчунга хьежжа дӏахьош ба болх. Эшаш мел йола машинаш, нах болаш ба, цунга хьежжа йиллача хана боаггӏача боараме чакхбаккха лерхӏ беррига болх.
