Гӏалгӏай мехка, цӏеннах чуувтташ, йӏовхал лоаттаяра ханага кийчлуш ба
06.10.2026 14:27
Наьсаре фусамаш йолча моттигашка чуувтташ, йӏовхал лоаттаяра ха дӏайолалуча ханага кийчлуш, болх дӏахьош ба. Из болх лаьрхӏа ба нах бахача даькъ тӏа цӏи ялара хьал нийслургдоацаш, яхаш, дувц Гӏалгӏайче гӏолла йолча МЧСа зарбан болх лелабераша.
«Болх дӏахьош бар Наьсаре, Наьсарен кхален тӏахьожама, хьехамий балха даькъа говзанчаш, моттигерча администрацеца, газа болхлошца, Ерригроссийски лоӏамхой цӏера юкъарлонца цхьана. Уж хилар шахьара даькъ тӏарча фусамашка», - аьлар хоамо.
Инспектораша бахархошта дийцар цар харцахьа йӏовхала гӏирсаш леладой хила йиш йолча унзарча зуламах лаьца. Къаьстта терко тӏаяхийтар тока саьргаш нийса дӏахетта хилийта дезара.
МЧС беча хоамах, из болх дӏахьоргба еррига йӏовхал ялара ха чакхъяллалца.
