Вайцига дӏахьош я республикан вокально-инструментальни яхь
Гӏалгӏайче дӏахьош я сийрда ашарий марафон - lll-гӏа Республикан вокально-инструментальни «Гӏалгӏайчен къона оаз» яха яхь. Из дӏахьош я театра, кинон, укх заман тароний Центро, моттигерча культурани туризмаи Министерствос, «Магас» НТРК хьаллоацаш.
«Яхь лаьрхӏа я начӏал дола иллиалархой хьаллацара, царна таро луш, шоаш ерригача республикан дӏабовзийта. Доакъашхой таро я шоай илли алара говзал гойта, иштта ашарий гӏирсашца болх бара начӏал гойта. «Вокал» яхача даькъ тӏа дакъа лоацаш ба 17 шерга кхаччалца а кхы боаккхагӏа бола а нах.
«Инструментальни ашараш» яхача даькъ тӏа шоашта фу хов хьажа йиш йолаш ба 6-13 шераш даьннараш, иштта 14-30 шераш даьннараш. Яхьан оагӏонаш белгалъергья бекарга бетта 30 денга кхоачаш», - аьлар «Сердало» газетага Гӏалгӏайчен ЦТКиКИ зарбан болх лелабераша.
Ше болх беча юкъа, из проект лоархӏаме дакъа хинна дӏаэттай мехка укх заман таронаш дегӏайоалаеча, цо иштта дегӏайоалаю культуран, ӏадатий, ашарий оагӏонаш.
