Гӏалгӏай мехка болх беш ба, «Саг. Дуне. Айлам» яха гойтам
Гӏалгӏай къам мехкахдаьккхара хетабаьча дагалоаттама комплекса Мемориале хьабийллар «Саг. Дуне. Айлам» яха гойтам, из хетабаь ба космонавтикан Денна.
Гойтамо довзийтаргда, цига хьажа болхача наха, керттердараш, Даьймехка карагӏдаьннараш, цу юкъе Гӏалгӏайчен къонгаша лаьца дакъа, космически даькъ тӏара хьал дегӏадоаладара цар шоашкара доккха дакъа юкъедена хилар.
«Хьаьшашта гойта оттаяьй тамашийна хӏамаш. Уж я каьхатий копеш, ӏилманхочох-инженерах Марзенаькъан Бахьаудина Умалатах дувцаш дола биографически хоамаш, иштта ше-ший хана арадаьннача кепайоазонах, ракетий, авиаце тӏема техникан хьалхарча гӏалгӏай конструкторах Малсаганаькъан Султана Мусайх дола архивера тешалаш.
«Саг. Дуне. Айлам» яха гойтам го йиш йолаш ва моллагӏа безам бар, бекарга бетта 17-ча денга кхаччалца», - аьлар «Сердало» газетага Гӏалгӏайчен МКЖР.
Республикан бахархошта гойтамо таро лу Россе доккхий толамаш дагадоха, иштта технически таронаш йоаржаеш лаьтта гӏалгӏай бовза.
