ЖКХ хьалех бола мах ханнахьа дӏалургболаш къахьег
Республике коммунальни декхар дӀадалара хаттар лоархӀаме да, яхаш, дийцар ГӀР Кулгалхочун зарбан болх лелабераша.
«Шоай ханнахьа декхар дӀадалар – из дезаш да вай коммунальни гӏулакха болхлошта, тоадара балхаш дӀадахьара. Наха хьалхадаккха деза, декхар тӀехьа ца тетташ дӏадаларах мара цу лостамагӏара болх тоабе йиш йоацилга. Из болх, цу таронашца Ӏалашо еча организацешца дӀахо дӀахьоргба, иштта тӀахьожам чӀоагӀбергба декхар хьадаккхара», - аьлар ГӀР кулгалхочо Келаматанаькъан Махьмуд-Ӏаьлас, ше цу дешаех лаьца дувцаш.
Белгалду, токах дӏаденна декхар 63% да. Газ а хий а леладара даькъ тӀара хьал массехк чоалханегӀа да: декхар дӀалураш 45% мара бац.
Токаца Ӏалашо яра болх лелабеча моттигаша яхачох, декхар хьадаккхара судашка чубелар эзар лоткъам 1,5 млрд сома. Укх ханага кхоачаш, «Межрегионгаза» хьаденнад 28, 6 млн. Токах дола декхар республикан бахархой 1,7 млрд сом да, судашка гӀолла хьадаьккхад 61,6 млн сом. Хих доалла декхар 92 млн сом да, предприяте хьаийцад 41,3 млн.
МоллагӀа, вахара, экономически хьал мара цаоттарах, ший ханнахьа шоашта лоаттаеш йолча таронех дола декхар наха Ӏаьдала хьадала деза.
Бахархошта юха а хьалхадоаккх, из лоархӀаме да, дийнахьа а бийсан а мехка коммунальни гӏулакха болх дика дӀабахийтара.
