ЛЭП йолча даькъ тӏа, бокъонах доацаш, лаьтта дӏалаьцад
18.06.2026 14:34
Наьсарен кхален прокуратуро дӏабихьача тӏахьожама балха гучадаьлар, тийшача балхах лаьтта карадерзадаь хилар, яхаш, дийцар «Сердало» газетага ГӏР тӏахьожама боахаме.
«Наьсарен кхален прокуратуро дӏабихьар лаьттан закон леладой хьажара болх. Белгалдир, боахамий Цаӏ йолча паччахьалкхен реестре, 2025 шера оагӏой бетта малав ца ховча сага, харцахьа каьхаташ даьха, 800 квадратни метр долча лаьттан бокъо яьккха хилар, из да Эккажкъонгий-Юртарча дукха ток чулелаш долча саьргашта юхе», - аьлар хоамо.
Цу тайпара, бокъонах ца доагӏаш, цу сага 629 000 сом кадастра мах бола лаьтта ший доалахьа дерзадир.
Прокуратуро из гӏулакх тохкама болхлошка дӏадахьийтар, царга хьежачул тӏехьагӏа уголовни гӏулакх хьадийллар РФ Уголовни кодекса статьях.
