Ӏаьдал тохкам беш да, 52 шу даьнна мехкахо верах долча гӏулакха
29.07.2026 12:10
Шолжа кхален Тохкама оагӏон болхлоша гӏулакх хьадийллар, 52 шу даьнна саг верах. РФ УК 1-ча даькъа 105-ча ст. бехктокхаме озаргба цу гӏулакха бехкебараш.
«Тохкама оагӏон болхлоша тахан белгалдечох, 2026-ча шера ахкан шоллагӏча бетта 29-ча дийнахьа, малав ца ховча сага, цӏагӏа чуваьнна, герз дийттад 52 шу даьннача вахархочоа. Из саг човнех цу моттиге веннав. Хӏаьта зуламхо къайлаваьннав», - дийцар «Сердалога» мехкарча Тохкама оагӏон болхлоша.
Тохкамхой-криминалисташ, СК моттигерча оагӏон кулгалхо хьакхаьчар зулам хиннача. Дийттача герза пхорч хьагулдаь, кхыдола цу зуламца хоттаденна хӏамаш теркалдеш хилар уж. Зулам деча хана цига хиннача нахаца къамаьл деш ба уж тахан.
