350 эзар сом гаргга лочкъадаь зуламхо лохаш ба вай мехка
22.12.2025 09:34
Интернета оагӏонашка гӏолла саг ӏехаваь, 345 эзар сом ахча лочкъадаь зуламхо лохаш ба тахан ӏаьдала болхлой. Из хоам «Сердалога» бир чухьарча гӏулакхех йолча министерствос.
«Наьсарен кхален Россе ОМВД оагӏон болхлой болча латкъа венача Тӏой-Юртарча вахархочо дийцачох, интернете гӏолла оапаш бийца, цун ахча лочкъадаьд зуламхочо.
Кхо мотоцикл эца дагахьа, интернете латтача хоамага гӏолла бувзаме ваьннав из. Бакъда ахча дӏатӏатессачул тӏехьагӏа, «Йохкархо» вайна дӏаваьннав. Е ахча а е мотоциклаш а йоацаш, висав вахархо», - дийцар тхога ӏаьдала болхлоша.
РФ УК 3-ча даькъа 159-ча статьях гӏулакх хьадийлла, зуламхо лохаш ба тахан МВД болхлой.
