Хьун боахама зе даьраш лохаш ба тахан мехка
04.02.2026 09:28
Мужеча хьун оагӏонашкара бокъо йоацаш гаьнаш тийдараш лохаш ба тахан Россе МВД «Шолжа кхала» яхача МО, Шолжа кхален хьун боахама ГКУ болхлой. Из хоам «Сердалога» бир ӏалама гӏулакхех йолча министерствос.
«Даьттагӏа йолчахьа уллача «Жоалхи» яхача моттиге тийда яда тайп-тайпара лакхал дола гаьнаш зийра хьун тӏахьожам лоаттабераша», - йоах тхога бенача хоамо.
Из тайпара зе де тарлу аьнна хеташ йола моттигаш чӏоагӏагӏа лораю тахан хьун боахаме. Гаьнаш тийдараш лохаш да ӏаьдал.
Шолжа, Жӏайрахьа кхален бахархошка дехар ду, моллагӏа цу тайпара тешаме доаца хӏама зийча, укх номерах хоам бе яхаш: 8 ( 928) 731-00-02.
