Гӏалгӏайче вӏашагӏйоллаш я «Кагирхой оаз» яха проект
Гӏалгӏай Республикан начӏал дола кагирхой; арахьарча бувзама, къаман политикан, зарбан Министерствон гранташца хьаллоацаш; «Кагирхой оаз» яха проект кхоачашъеш ба, яхаш, хоам бир «Сердало» газетага ГӏР кагирхой гӏулакхех йолча Комитета керттерча говзанчас Гӏулой Аминас.
«Цу проекте дакъа лоацаш, кагирхой таро я керттера профессиональни балха оагӏув йовза; шоай доалахьара хоамий, культуран проекташ хьакхолла; лоархӏамегӏа дола декхараш кхоачашдара йола говзал эца. Цу даькъ тӏа хьехамчаш ба журналисташ, кхыбола говзанчаш», - аьлар хоамо.
«Тахан медиа эггара сихагӏа дегӏайоагӏаш йола хоамий оагӏув я. Из газеташ е телевидени хинна ӏац, цунца кхы а йоккхагӏа йола таронаш я: авторски проекташ, зарбан болх лелабар PR. даькъ тӏа. Журналистика, блогинг - уж духхьал шийна дезаш леладу хӏамаш хинна ӏац, уж я бокъонца йола профессиональни дегӏаахара оагӏув», - аьлар Гӏулой Аминас.
