Доагора оагӏонцара бизнес лораяра тӏехьа, федеральни болх ба мехка дӏахьош
Россе Паччахьалкхен вице-премьер волча Новак Александра ВКС оагӏонца дӏайихьача кхетаче моторий доагора базарах дийцар. Вай мехкарча Паччахьалкхен хьалха латта Сластенин Владимир хилар, цу кхетаче дакъа лоацаш. АЗС дувзаденнараш боаггӏача боараме хьаоттадара тӏехьа, федеральни оагӏоно дӏахьош керда болх ба.
«Вай мехка чӏоагӏа тӏахьожам беш гӏулакх да из. Республике тахан болх беш АЗС 38 йоккха моттиг я. Доагора мах хувцалуш бий хьожаш, терко лоаттаю республике. АЗС йоккхача моттигашка, цӏаьхха, дукха ахча тӏакхийтта хӏама дац, доагор мехка тоъаш да. Бахархошта, нах дӏа-хьа кхувлача автобусашта, лоархӏаме декхараш кхоачашдерашта, юртбоахама моттигашта кхоачам хулаш доагор да мехка. Россе Минэнерго хоам бу оаха массахана цу хьалах», - белгалдир Сластенин Владимира.
Новак Александра цу оагӏонцарча министерствай декхараш белгалдеш, Россе моттигий кулгалхошта цхьаццадараш хьалхадоахаш, къамаьл дир. Цу гӏулакха бехктокхамечар декхар да доагорца цхьаккха кхоачамбоацараш цахилийтар, маьхашта терко еш, цу оагӏонцара цхьаккха хӏама кега ца далийта хьожаш хилар.
