Угарах цамогаш хилар Тӏой-Юртара ялх саг
05.10.2026 13:00
Гӏалгӏайче ялх саг, цу юкъе пхи бер долаш, угарах цамогаш хилар. Из нийсделар тахан Наьсарен кхален Тӏой-Юртарча Гаданаькъан урам тӏа. Из хоам кхаьчар моттигерча МЧСа оарцагӏъухарашка 12:10 минот яьннача хана, яхаш, дийцар «Сердало» газетага республикерча хатарашца къовсам лоаттабераша.
Уж берригаш сиха дӏабигар Гӏалгӏайчен республикански дарбанче. Хӏанз укх сахьате, лораша яхачох, цар хьал кхераме дац.
Цу моттиге карарча хана болх беш ба сихача хьала болхлой. Хатара бахьанаш тохкаш да.
