Шолжа-Шахьарера саг вийна кхо зуламхо дӏалаьцар ӏаьдало
Саг вийна, къайлабаьннача зуламхой лар лаха гӏерташ къахьегаш хилар Россе СК Шолжа кхален тохкама оагӏон болхлой. Тохкамхоша белгалдечох, дӏабахача бетта 29-ча дийнахьа Шолжа-Шахьарерча цхьан сага цӏагӏа чулийлхаб малашб цаховш бола нах. 52 шу даьннача цӏен-даьна кхозза герз техад цхьан зуламхочо, цул тӏехьагӏа къайлалийлхаб. Лозаваь хиннар кхы хьа ца кхеташ дӏакхелхав.
«Сердалога» мехкарча Тохкама оагӏон болхлоша баьча хоамах, тохкамхоша, ФСБ, МВД викалаша, цхьана болх дӏабихьа, гучабаьхар зуламхой. ӏаьдало ӏочувоалаваьча цхьанне дӏадийцар саг вийна герз шоаш мичахьа дӏадиллад.
Тохкамхоша хьалеха, хьадаьккхар герз цу моттигера. Карарча хана кхоккхе зуламхо ӏаьдала кара ва. Цар гӏулакх дӏахо дикка тохкаш ба цига.
Мехкарча СКР тохкама оагӏон кулгалхочо ше тӏахьожам беш, дӏахьош гӏулакх да из.
