Берий, ондаргий даьшта кхерамзлен хьал лораде дезилга хьалхадоаккх мехкарча Тохкама оагӏон болхлоша
Моттигерча Россе СК Тохкама оагӏон болхлоша бахархошта хьалхадоаккх, кхерамзленца дувзаденнараш лораде дезилга.
«Вай республикерча Россе Тохкама комитета Тохкама оагӏон болхлоша цӏагӏа бераш, ондаргаш болча даьшта, ноаношта хьалхадоаккх; моллагӏа тешаме ца хета хӏама зийча, эггара хьалхарча аргӏагӏа фу де деза, мичахьа хоам беш хила веза шоай дезалга дувцар», - йоах тхога бенача хоамо.
Автобуса чу, тикашка, подъезде, моллагӏа нах гуллуча моттиге саг юхе воацаш уллаш гурмат, тӏормиг зийча царех кулг тоха, гаргаваха йиш йоацилга дӏадувца деза берашка. Дӏатӏахьежача цхьа терко ергйоаца хӏама а кхераме хила йиш я, из кхетаде деза массане. Ишттача моттиге нийсвелча, ший фу де деза ховргдолаш дӏахьеха деза берашта дас, нанас.
Моллагӏа тешаме ца хета хӏама зийча машин лоаллаш вагӏачунга, хьехархочунга, боккхагӏчарга хоам бе безилга ховш хила деза бераш, ондаргаш. Иштта 101, 102, 112 телефонаш дӏатеха оарц деха дезилга дӏадувца деза царга. Кхерамзлен хьалаца дувзаденнарашца фийла хила веза саг.
