«Лоаман легендаш: Дзурдзукаш сийдола тӏемхой» яха кино доаккхаш ба мехка
20.01.2026 09:32
Къаьнара истори дийндеш ба лоаман хозача моттигашта юкъе. Кино доаккхаш йола бӏарчча тоаба я цига къахьегаш. Гӏалгӏай къаман тхьоврара истори, лоаман моттигашка лийннача деналах бизза хиннача даьша леладаьр юха дийндеш ба тахан цу лакхе, из-м духхьал кино хинна ӏац. Дзурдзукий вахарера гӏулакхаш гойташ ба цига.
Лоаман юрташкарча вай даьй турпалал гойташ хургбола болх ба из. Президентски гранто хьаллоацаш, вӏашагӏдоллаш да «Лоаман легендаш: Дзурдзукаш сийдола тӏемхой» яха кино. Цо хьагойт, из проект культураца, къаман истореца мел йоагӏаш а лоархӏаме а я.
