Бӏухой гаргарча нахага паччахаьлкхен совгӏаташ дӏаделар
ГӏР Кулгалхочун, Паччахьалкхен Администраце Сийлен зале Российски Федераце герзашцарча низий Министерство тӏема юкъе бейнача бӏухой гаргарча нахага совгӏаташ дӏалуш хилар.
Гӏалгӏайчен Кулгалхочо къамаьл дир бейнача бӏухой гаргарча нахага кодам бувцаш, цо иштта царга дӏаелар «Денал гойтарах», «Суворова», «Жукова» цӏерагӏа орденаш.
«Аз кхетаду, цхьаккха а совгӏат а хургдац саг хувцаргволаш, е ший цӏагӏа воӏа, цӏен-даьна, даьна когаметта дӏаде йиш йолаш. Вайна массанена а из хала да, уж вай кагий нах, къонгаш, вежарий ба. Таханара кхетаче дӏахьош я маьтсела бетта 9-гӏа ди хьатӏадоагӏаш хилара хетаяь. Шовзткъалагӏча шерашка вай даьй иштта айттар, шоай Даьхе бахьан долаш. Хӏанз из истори юха а кердадоалаш да. Вай мохк лорабе беза ха тӏакхаьчача, шоай даьй наькъ айттар вай бӏухой. Цар шоайла дагабаьнна хержар из никъ, уж духьалъайттар моастагӏчоа, цар вай цӏеношка из зулам чудахьаргдоацаш.
Денала орденаш, Суворова, Жукова, «Денал гойтарах» майдилгашта кулг яздир паччахьалкхен кулгалхочо Путин Владимира. Из да лакхача боарам та тӏаэцаш хилар, чоалхане декхараш дизза кхоачашдаь хилар вай бӏухоша. Сай оагӏорахьара аргда аз, республикан Кулгалхо хиларах тарра, са а Гӏалгӏайчен Паччахьалкхен а декхар - шо шоашкарча гӏайгӏанца, хатарашца цхьаь цадитар. Вай бейнача бӏухой дезалаш хьаллацар - ший моттиге волча хӏара кулгалхочун декхар да. Моллагӏа шоана хьалхашка нийслуш дола эшамаш оаха кхоачашдергда. Бейнарий цӏераш даим хургья мехка исторе оагӏон тӏа. Дала гешт долда царна!» - аьлар Гӏалӏайчен Кулгалхочо.
Денала Орден елар (боврца):
Зӏамагӏча сержанта Чуранаькъан Б.М., мугӏарерча Кӏориганаькъан М.З., Цӏечой А.М., Шаденаькъан Б.С., Исмейланаькъан Х.М., Кусенаькъан Р.М., Йовлой М.В., Маценаькъан Х.Б., Къоастой Ч.Б., Гиренаькъан А.Х., Йовлой И.Ю., Балайнаькъан М.М., Оздой М.М., Тӏумхой К.М., Ӏарчакханаькъан И.
«Суворова» мейдилгаш елар: мугӏарерча Кхоартой М.М. (валарца), Къоастой А.Б., Мержой Р.М.
«Жукова» мейдилгаш елар: ефрейтора Къулбужанаькъан А.Б., мугӏарерча Куркъанаькъан З.К.
«Денал гойтарах» ӏӏ -ча дозала майдилг елар Янданаькъан Р.Х.
Зӏамагӏа волча сержанта Хьулахой К. совгӏат дӏаделар Гӏалгӏай Республикан Кулгалхочо ше.
Кхетаче чакхъяьлар СВО доакъашхой гаргарча нахаца къамаьл деш, цига Кулгалхочо дош делар, деррига кхайкаралаш ший теркаме эцаргда аьнна.
