Гӏалгӏай мехка «Шийтта шахьар» яха фильм гойтар
Магас-Шахьар дегӏайоалаяра культуран Центре дика чакхдаьлар «Шийтта шахьар» яха историко-документальни фильм, из хьакхеллар режиссёра ГатагӀажанаькъан Башира. Из кино Гӏалгӏайчен дукхача шерашка дӏабихьача тохкама балха овла ба, цу юкъе мехка исторех йола материалаш геттара боккхача къахьегамца гулъяьй. Кхетачене гулбелар республикан ӏилман, культуран юкъарлон викалаш. Безача хьаьшашта юкъе вар Жӏайрахьа-Ахабоарзен паччахьалкхен историко-архитектурни, ӏалама музея-заповедника кулгалхо Сампенаькъан Ахьмадхан.
«Шийтта шахьар» яхача фильмо Гӏалгӏайчен мах бола истори хьаделларгда цун цхьан къаьнарча белгалонга, Тхьаба-Ерд оалача элгацага гӏолла. Цу фильмо керттера терко тӏайохийт меттаоттаяьча исторически моттигашта – мехка кхела шийтта гӏанда, уж хьакхеллар дӏадахача шера аьхки, цу элгаца юхе. Цу езача моттига гонахье хозъярал совгӏа, цар гойт гӏалгӏай къаман бӏаьшерен ӏадаташ, мах бараш», - аьлар «Сердало» газетага Сампенаькъан Ахьмадхана.
ГатагӀажанаькъан Башира фильм хиларах, наьха таро хилар кӏоаргагӏа довза гӏалгӏай ӏадаташ, ноахалгара, ноахалга доалаш дола гӏулакхаш, культуран моттигаш.
Фильма чудоагӏаш да ӏилма, исбахьален оагӏорахьара нийса хилар, цо наха тӏаэца аттагӏа хулийт чоалхане исторически моттигаш.
