ГӏалгӀай мехка дезал, берал хьаллацара новкъостал ду
ГӏалгӀайчен Паччахьалкхено дийцар дезал, бераш хьаллацарах, яхаш, хоам бу «Сердало» газетага мехка министрий кабинето.
«Цу балха керттердар дувзаденна да берий ахкан замах долча салаӏарца, дезалера мах бараш лорадарца, дешара даара дикалца», - аьлар хоамо.
Иштта дӀадахача шера 33 лагере, майдашка салоӀаш, низ чӏоагӏбеш хилар 3 806 бер. Къаьстта терко цу юкъе тӀаяхийтар СВО доакъашхой дезалашта, иштта дукха дезал болча фусамашта, таро йоацача дезалерча берашта, хала боахкача дезалашта. Дешара моттигашка даим терко лоаттаю Ӏадатий мах бараш лорадара.
ЛаьрххӀа тӀахьожам лоаттабеш да ишколера даара хьал. 2025/26 дешара шера мах боацаш дӀайхача даарца Ӏалашо ергья 1-4 классашка деша дагӀача 33 490 бера, из ерригача паччахьалкхен ишколашка хургда.
«Дезал, берал хьаллацар- тха вахара политикан кӀийле я. СалоӀам вӀашагӀболлар, ишколашка дикал йола даар лоаттадар, Ӏадатий мах бараш довзийташ кхетам балар - уж шоайла дувзаденна хьалаш да, цар хьакхолл дика кӀийле, вай республикан берашта, цар хургдолчунна»,- аьлар Сластенин Владимира.
Цо тӀадиллар ГӏалгӀай Республикан дешара, Ӏилман Министерствонна программа кхоачашъяра дика Ӏалашо яр, уж декхараш кхоачашдара тӀахьожам бар.
