СВО турпалий цӏераш дагайоагӏа вай мехка
Тӏема операце доакъашхоех бола дагалоаттам лорабара тӏехьа къахьегаш ба тахан «Даьхен лорабой» яхача ганза, мехкарча паччахьалкхен архива болхлой. Цу оагӏонца дувзаденнарех дувцаш, кхетаче дӏайихьар тахан.
Архива моттига кулгал ду Ховтанаькъан Руслан, Паччахьалкхен архива кулгалхо Тоачанаькъан Ибрахӏим, ганза хьалха латта Оздой Муслим бар кхетаче гулбеннараш.
Тӏемахоша гойта турпала наькъаш довзаш, царца лерхӏам болаш хила дезилга белгалдир цига. Дешара программашка, иштта тохкама балхашца эшаш дола каьхаташ, кхыдараш лоаттадергда, аьнна, дийцар архиве къахьегараша», - йоах ганзера бенача хоам тӏа.
Иштта кхетачен доакъашхоша дӏакхахьа лерхӏ тӏема истори, цу оагӏонцарча культуран тӏехьале йовзийташ дола гойтамаш, лекцеш, семинараш. Ветеранашта, цар цӏагӏарча наха шоай бокъонаш йовзийташ бола болх лоаттабе лерхӏ.
