Гӏалгӏай мехка хьаергья, ТЭКа лаьрхIа вай заман дешара юкъарло
Гӏалгӏай Республикан дешара даькъ тӏа белгала хилар 2025 шу: мохк лаьрххӏа чубоагӏаш хилар «Профессионалитет» яхача федеральни проекта. Из да «Кагирхой, бераш» яхача къаман проекта дакъа; мехкадаьттан, газа балха даькъ тӏа лакха говзал йола болхлой кийчбара деш дар.
Из проект кхоачашъе лаьрхӏар я ӏарпенаькъан Ю.А. цӏерагӏа политехнически колледж. Цу дешара моттиго 77,4 млн сом грант яьккхар хьалхале лелаю дешара-балха дакъа хьакхолларах. Кердача дешара керттера кеп я - экономикан оагӏув лелаяр, цун таронаш йоаржаяр. Программа чудоагӏаш да болх шаьрбар, болх лоаттаберашца бувзам лелабар, цо таро лургья дийша баьннарашта тешшаме къахьега моттиг Iалашъе.
Юкъерча дешара оагӏув дегӏайоалаеш, республико лакхарча ишколацара бувзам чӏоагӏбу. 2025 шера, Гӏалгӏайчера 71 выпускник Россе лакхарча дешара моттигашка эттар. Иштта кагирхошта накъадоалаш да ӏТ технологешца, архитектураца, гӏишлонхошца, хьехархошца, лингвистикаца дувзаденна дешар.
Тахан республикера студенташ ӏомаеш ба экономикан Лакхарча ишколашка эггара эшаш йола профессеш. Г.В. Плеханова цӏерагӏча РЭУ, МГЛУ, иштта кхыча, мехка дикагӏа йолча университеташка дешаш ба вай студенташ.
«Тха керттера декхар да, Гӏалгӏай мехкарча хӏара къонача сага толамий никъ хьабеллар: дешара дикача хьалашкара дӏаболабенна, ше хержача профессега из вугаш бола.Къаьстта из да дешара даькъ тӏа тхо кхоачашде гӏертар»,- аьлар из гIулакх хьалкхоабараша.
