Ахархоша мел эшар даьд, 2026 шера хьувкъам дика хилийтара
06.02.2026 14:07
ГӏалгӀайче чакхбаьлар 2026 шера ялат дӀаде кийчо еш бола болх, яхаш, дийцар «Сердало» газетага ГӀР кулгалхочун зарбан болх лелабераша.
«Карарча шера ахархоша дӀадувргда 43,7 эзар гектар хьалха кхача ялат: кӀа, хьажкӀаш, гидуаргаш, коартолаш, баьцадаараш, доакъара лаьрхӏараш. Дӏадахача шера, гурахьа дув ялат 27,4 эзар гектара тӀа дӀадийра», - аьлар мехка кулгалхочо Келаматанаькъан Махьмуд-Ӏаьлас, ше боахама керттерча декхарех дувцаш.
Шоай ханнахьа ялат дӀадера болх дӀабахьара мел эшаш дар долаш да: фу, молхаш, доагор. Тайп-тайпарча боахама кхаш тӀа яргья 1 200 юртбоахама техника. Говзанчаша яхачох, из кийча я 85%, цо таро лургья ший ханнахьа дика из болх дӀабахьа.
