Республике хьакхоллаш я юкъерча бIаьшерений сийленгий таьрахьий кепаш
ГIалгIайчен лоаман даькъ тIа студенташ экспедици дIахьош ба, цун доакъашхоша хьакхолларгья моттигерча исторе, культуран сийленгий таьрахьий кепаш. Тохкама болх дIахьош ба ЖIайрахьа-Ахабоарзен музея-заповедника даькъ тIа.
Лакха оагIонаш йолча къаьнарча гIишлон 3D кеп хьаеш лелаю зIанарашца кеп кхоллар (лазерни сканировани), иштта юкъейоаккхаргья аэрофотосъемка. Уж балхаш дIадахьа таро я ГIалгIайчен культуран тIехьален гIишлош лораяра паччахьалкхен Комитета, иштта ЖIайрахьа-Ахабоарзен музея-заповедника оагIорахьара новкъостал хиларах.
«Экспедице дакъа лоацаш ба Белгородски паччахьалкхен технологически В. Г. Шухова цIерагIча университета студенташ. Из дIахьоргья кIимарса бетта 30 денга кхаччалца.
«3D йоазув ноахалгара ноахалга: культуран тIехьале лораеш» яха проект котъяьлар, «Хьаел Росси юххьанцахьа» яхача студентий Iилман экспедице федеральни яхье. Из вIашагIъеллар «Росси - тароний мохк» яхача проекта чуйоагIаш. Цу проекта кулгал деш я шахьара кадастра, В. Г. Шухова цIерагIча университета инженерни тароний кафедра кулгалхо, технически Iилмай кандидат Ширина Наталья», - аьлар «Сердало» газетага музее-заповеднике.
Проекта чудоагIаш, доакъашхоша лерхI республикан къаьнара архитектуран гIишло зIанарий гIонца лаьттара хьатIаяккха. Иштта цар дIахо дIабахьа лерхI тохкама болх, цу юкъе технически, исторически хоамаш а долаш, еррига гIишлош хургйолаш.
Файлаш дIалургья музея-заповедника болхлошка, дIаязъергья массанена йийлла хургйолаш, «3D – тIехьале» ГК «Геосканагара» яхача оагIон тIа. Цул совгIа, экспедици дIаяхьаро таро лургья российски программа комплексаш миштай ха, уж тIехьагIа таьрахьашка яха.
Балха чаккхе хургья цаI йолча таьрахьий материалий оагIув, из дукхагIа Iилман-тохкама, вахара-культуран мах болаш я. Беррига шоаш мел гулбаь хоам цар дIалургба ОКН паччахьалкхен мах бараш лорадеча Комитете, иштта ЖIайрахьа-Ахабоарзен музее-заповеднике.
