2026-ча шера дӏадахьа дезача хоржамашка тӏахьожаш хургбараш кийчбеш болх ба мехка дӏахьош
Паччахьалкхен Дума, Халкъа Гуллама депутаташ хоржаш дӏадахьа дезача хоржамашка тӏахьожаш хургбараш кийчбеш болх ба мехкарча кагирхой кхетачен Цӏагӏа дӏаболабаь. Республикерча Юкъарлон палатас «Независимый общественный мониторинг» яхача Ассоциацес хьаллоацаш дӏахьош лоархӏаме болх ба из.
Вай мехка кхаьча ва федеральни оагӏонцара говзанч, юкъарлон оагӏонцарча, сага бокъонех йолча РФ Президента Кхела, НОМ Ассоциацен кулгалхо Брод Александр. Хоржама кампане болх бовзийташ йола доклад йишар цо.
Къаьстта терко еш дийцар семинаре дер дайнараша арадоахаш долча бух боацача къамаьлашта духьале ярах. Цу оагӏонцара болх дика бовзаш волча говзанчо хьалхадаьккхар интернета оагӏонашка гӏолла, иштта бахархошта юкъе хоржамий болх кегабе аьнна доаржадеш дола къамаьлаш теркалде йиш йоацилга.
Брод Александро белгалдир, хьатӏабоагӏача тов бетта дӏадахьа дезача хоржамий болх боаггӏача боараме кийчо яь хила безилга. Кхетачен доакъашхоша дийцар дешара оагӏонцарча программага гӏолла кхоачашдаьрех.
Мехкарча Юкъарлон палата хьалха латта Амерхананаькъан Лейлас хьоахадир хоржамашка тӏахьожаш хургбарашца регионе боккха болх дӏабихьалга. Цу юкъе да бакъдоацача хоамашта духьале яр, наха юкъе уж ца даржийтар.
