«Цхьоагӏон Код» яха кхетама хьал гойташ дола ловзараш дӏахьош ба мехка
Россе къамий цхьоагӏон Шера хетадаь хьаькъала хьал гойташ дола «Цхьоагӏон Код» яха ловзараш да вай мехкарча ишколашка дӏахьош. Цу гӏулакха хьалха эттар кагирхой гӏулакхех йола Комитет, «Бералла наькъаш» яхача Ерригача Россе проекта моттигера оагӏув.
Республикан массайолча моттигашкарча ишколай тоабаш яр дакъа лоацаш. Юххьанца оттадаьчох, хӏара тоабан юкъе 8-11-ча классашкара пхиппа саг ва, тоабан хьалха отт ишкола кулгалхочун гӏонча е куратор вола хьехархо.
Тоабанца болх дӏахьош, шоай кхетама хьал, кадай хилар тохкаш хургда бераш. Йоккхагӏча классашкарча дешархошта хьалхалаттараш кийчъяь программаш Россе исторена, цун паччахьалкхен белгалонашта, къамий цхьоагӏон Денна, иштта бӏаьшерашка денз лорадеш хьадахьача вай къаман ӏадаташта, культуран, гӏулакхашта хетаяь я.
Цу ловзара юкъе хоржаргба толашагӏбараш. Цу тоабаша дакъа лоацаргда дӏахо, муниципальни оагӏонца дӏахьоча яхьашка.
