Вахар хаьдача бӏухочун воӏа, бекхама ахча хьаэца гӏо дир
16.12.2025 15:28
Тӏема операцен юкъе вахар хаьдача бӏухочун Хамхой Макшарипа воӏа, ӏаьдалгара хьадоагӏаш дола ахча хьаэца гӏо дир «Даьхен лорабой» яхача ганза болхлоша. Из хоам «Сердало» газетага бера цу моттигера.
«Тӏема аренашка къонгаш байнача дезалашта ӏаьдалгара хьадоагӏаш дола ахча хьаэца гӏо де шийна, аьнна, ганза болхлошта тӏавера бӏухочун воӏ. Ганза доакъашхой чехка оарцагӏбаьнна, вӏаштӏехьадаьлар из гӏулакх.
«СОГАЗагара» ахча хьаэцаргдолаш каьхат оттадир, тӏаккха Йовлой Мухьмад бувзаме ваьлар, Даьла кхеле дӏавийрза бӏухо ший тӏема декхараш кхоачашдеш хиннача моттигаца. Царгара эшаш мел дар хьаийцар цо», - йоах цу хоама тӏа. 10-15 ди далале, счёта тӏа хьатӏада дезаш да цу наха доагӏаш дола ахча.
