ИРКБ доазон тӏа паргӏатагӏа хилийтара тӏехьа, къахьегаш ба Наьсарера хьакимаш
Наьсарен мэр вола Оздой Руслан, иштта шахьара администраце болхлой арабаьлар Республикански клинически дарбанчен юхерча доазон хьал тахка. Из хоам «Сердалога» бир мэре болхлоша.
«Дарбанчен юхе хӏара денна дукха адам, машинаш гуллу, цунга хьежжа, наха паргӏата, кхерам боацаш хила деза цигара хьал. Тахан цигара гӏулакх меттадоаладе лерхӏ оаха, хӏана аьлча иштта йолча моттигашка деррига а боаггӏача боараме хилар лоархӏаме да», - белгалдир Оздой Руслана.
Мехкара массабола бахархой тӏалатта моттиг я из. Цун кхерамзлен хьалаца дувзаденнараш лертӏача даха деза. Шахьара дас чӏоагӏдир цу урам тӏагӏолла бода гӏашлой никъ хувца, иштта машинаш сувца моттиг дӏашеръе. Зизаш, гаьнаш дӏайогӏаш кулг тохаргда цу доазон тӏа.
Гӏайрбик-Хьажий цӏерах болча урамера дарбанчен остановка боаггӏача боараме тоаеш болх дӏахьоргба администраце.
