Гӏалгӏай мехка лаьрххӏа накъабаьхар, эскаре амал де болхараш
Гӏалгӏайчен республикан нах гуллуча моттиге лаьрххӏа йола кхетаче хилар, Российски Федераце Герзашцарча Низий мугӏарашка амал де болхача нахаца. Уж хьаллаца баьхкар Наьсарен кхален культуран Цӏен, иштта Пхьилекъонгий-Юртарча культуран Цӏен кхоллама тоабаш.
«Накъабоахача дешашца кагирхошта ловцаш даьхар цига хиннача хьаьшаша, цар иштта белгалдир тӏема декхара лерхӏам боккха хилар.
Гулбеннарашта юкъе вар салтий даьй Комитета кулгалхо Пхьиленаькъан Адам, бӏухой бокъо лораяра Комитета кулгалхо Могушканаькъан Радимхан, иштта бӏухой-афганций Комитета кулгалхочун гӏонча Гуцаранаькъан Ювназ. Цига уж накъабоахаш бар кагирхой гаргара нах», - аьлар «Сердало» газетага из кхетаче дӏахьош хиннараша.
Цу ден ашарий программа кийчйир культуран Цӏен болхлоша. Шоай ашарий программа гойтар Янарсанаькъан Лейлас, Гӏалгӏайчен цӏихезача артиста Барханой Заьлмахас. Иштта цу цӏайна яь кийчо гойтар Пхьиленаькъан Тамилас, звукооператора Саганаькъан Руслана.
Лаьрххӏа накъабахара кхетаче дӏахьош, халхара юкъебаьлар доакъашхой, кхетачен хьаьший, цар гойтар къаман ӏадатий цхьоагӏо, тешам.
