Гӏалгӏайче чӏоагӏъеш я СВО бӏухошта, цар дезалашта новкъостал ду цаӏ йола оагӏув
Магаса администраце лаьрххӏа йола кхетаче хилар, цо чӏоагӏйир Даьхен бӏухой, цар дезала Комитето; лаьрххӏача тӏема операце ветераний Ассоциаце цхьана болх дӏахьоргбола оагӏув. Къахьегама моттигий кулгалхоша шоайла бувзам лелабе кулгаш яздир, керда декхараш къоастадир.
«Из болх вӏашагӏбеллар СВО доакъашхошта, цар дезалашта лоаттадеш дола новкъостал дикагӏа дӏакхачийтара. Цу шин организаце болх вӏашагӏтохаро таро лургья республикан вахара новкъостал дара оагӏув дикагӏа вӏашагӏйолла, из болх боаггӏача беса дӏабахьа. Оаха бувзам лелабергба массехк лоархӏамегӏа долча даькъ тӏара хаттараш кхоачашдеш, иштта ветеранаш юридически хьаллоацаш», - аьлар «Сердало» газетага Гӏалгӏайчен КСВО Эсамарзанаькъан Ӏалаудина.
Столицан мэре даькъ тӏа из барт бар цӏаьхха дагадеха дацар. Цо тешал ду ӏаьдала юкъарлон институташ шоайла бувзам болаш хилара. Доакъашхоша белгалдир, дика вӏашагӏбеллача балхага гӏолла мара вай турпалхой хьашташ лерттӏа кхоачашде таро хургьяц.
