«Даьхен лорабой» яхача ганза, гӏазкхашта юкъера бувзам чӏоагӏбеш болх лоаттабергба мехка
«Даьхен лорабой» яхача ганза мехкарча филиала хьалха латтача Абаьданаькъан Ислама кхетаче дӏайихьар, гӏазкхий цхьанкхетара Федераце моттигерча оагӏон кулгал деча Бекмарзанаькъан Мухьмадаца.
«Цу кхетаче дакъа лоацаш хилар Россе, доазол арахьарча гӏазкхий штаба кулгал деш вола Хьулахой Руслан. Цига дийцар тӏема операце доакъашхошта, тӏема аренашка къонгаш байнарий дезалашта гӏо дарах, цар бокъонаш лораярах. Бахархошкара тӏалатташ долча хӏара дехара лакха терко еш хила езилга, ӏаьдалгара цу наха хьадоагӏаш дола хӏама ханнахьа хьадалийтара тӏехьа къахьега дезилга белгалдир цига», - йоах «Даьхен лорабой» яхача ганзера кхаьчача хоамо.
Моллагӏа болх эггара керттердарашкара хьаболабе безилга дийцар гулбеннараша. Хӏаьта хӏара гӏулакх кхоачашдар боаггӏача боараме, лерттӏа болх дӏахьош хиннадий хьожаш хургба хьакимаш.
