Гӏалгӏайче тоабеш ба транспорта болх
«Вахара хьалаш хьакхоллар» яха программа хилар бахьан долаш, Гӏалгӏайче карарча шера юкъера дикал йола бархӏ автобус эцаргья, яхаш, дийцар «Сердало» газетага мехка Кулгалхочун зарбан болх лелабераша.
«Моттигерча хьалага хьежжа дӏа-юха екъаш я из техника. Керда автобусаш дӏахьожаергья уж чӏоагӏагӏа эшача моттигашка, нах из транспорт цатоъарах каст-каста латкъаш бола моттигаш белгал а еш. Къаьнара автобусаш дӏа а йоахаш, керда транспорт юкъейоаккхаргья, цо кхерамзлен ӏалашо ергья», – аьлар хоамо.
Республикан Кулгалхочо тӏадиллар водителаш, технически говзанчаш кийчбар, иштта цахаддаш автобусаш лелаш хилара хьал тоадар.
«Тхона гуш да цхьацца йолча моттигашка автобусаш кхоачам боацаш хилар, графикаш телхаеш хилар дувцаш дола наьха лоткъамаш. Уж хаттараш теркал ца деш дусаргдац, уж наьха вахара ӏаткъаш да.
Республикан бахархой дукхагӏа хулаш боагӏаш хиларо, транспорта низ а дукхагӏа хилар дӏадех. Цудухьа автобуса парк кердаяккхар – из наха балха, деша, дарбанчешка баха таро луш дола хьал да», - аьлар Келаматанаькъан Махьмуд-ӏаьлас.
