ГӏалгӀай мехка чӀоагӀбеш боагӀа, терроризмах лорбаларца бувзабенна боахамашта юкъера болх
ГӏалгӀайчен Миннаце, укх деношка кхетаче дӀайихьар ГӏалгӀай Республике гӀолла йолча Россе ОФСИН викалашца, аьлар «Сердало» газетага цу боахаме.
«Министра гӀончас Ӏалбаканаькъан Артура дийцар ший балха новкъосташца 2026 шера цхьана болх дӀабахьара де лерхӀачох. Керттера терко тӀаяхийтар; терроризма, экстремизма духьалара болх беш; шоайла бувзам лелабара. Къаьстта белгалбир керттерча шин тоабаца беш бола болх: ОФСИН урхалленашка уголовни таӀазар токхаш барашца, иштта административни бехктокхаме оттабарах дола балхаш деш барашца», - аьлар хоамо.
Дукхача оагӀорахьа дӀахьоча балха чудоагӀаш да нах харцахьарча наькъ тӀа цабалийтар. Иштта цун керттера декхар да лерттӀа бола вахара никъ дӀабахьара царна новкъостал дар. Из ду, цар шоаш даь гӀалаташ цӏаькха дергдоацаш, закон лорадергдолаш, лерттӀа вахар дӀахьоргдолаш.
Хьалхашка оттадаь декхараш дика кхоачашдара, доакъашхошта елар министерство елар хоамий-методически материалаш, цар тӀа дувц терроризма духьалъоттара де дезачох. Цу тайпара цхьана кхетаченаш дӀаяхьара хоамий кхерамзлен таронаш тоаю. Цул совгӀа, лоархӀаме да, халача хьалашка нийсбеннача нахаца уж бахача моттигашка дӀахьош бола болх.
