Гӏалгӏайче лоархӏаш ба лорий, лорий йижарий, сихача гӏон болхлой къахьегам
Гӏалгӏайче ӏалашо ю ахчанца новкъостал лоаттадеш центральни, кхален, даькъ тӏарча дарбанчей лорашта, яхаш, дийцар «Сердало» газетага ГӏР Кулгалхочун зарбан болх лелабераша.
«Тахан Гӏалгӏайче 5 299 лор, лорий йижарий, сихача гӏон болхлой ба. Россе Президента тӏадиллача декхарах, Вахара ганзага гӏолла царна ахчанца новкъостал лоаттаду. Цу юкъебоагӏаш ба центральни, кхален, даькъ тӏарча дарбанчей лораш. Йоккха йоацача юрташка лораша 50 эзар сом эц, юкъерча лорий болхлоша - 30 эзар сом. Шахьарашка из ахча кӏеззига чухьнахьа да, бакъда иштта лоархӏаме да», - аьлар Келаматанаькъан Махьмуд-ӏаьлас.
Иштта цо белгалдир лорий, лорий йижарий, фельдшерий, сихача гӏон болхлой къахьегам лоархӏаме хилар, баркал аьлар царна шоаш хержача гӏулакха мутӏахьа болаш, болх барах.
Лорий даькъ тӏара болх тоабара, дикал йолаш дарба дара, вай дарбанчешка дика хьалаш хьакхоллаш латт. Цу юкъе да дарбанчеш хьалъяр, царна ремонт яр, керда гӏирсаш эцар, профессиональни боарам лакхбар, хьалхале лелаю технологеш юкъекхувлар.
