Бекаргеи аьтингеи бетташка, «Цӏе поацолг» яха болам дӏахьоргба
Бекарга бетта 10-ча денгара аьтинга бетта 22-ча денга кхаччалца, «Цӏе поацолг» яха болам дӏахьоргба ветеранашта новкъостал де дагахьа, яхаш, дийцар «Сердало» газетага ГӏР Паччахьалкхен зарбан болх лелабераша.
«Ноахала дагалоаттам» яха дикача гӏулакхий ганза болам хӏанз 11-гӏа дӏахьу. Цӏеча поацолга седкъилг лелабеча бахархоша шоашкара дакъа юкъедахь Сийлахь-боккхача Даьймехка тӏема, кхыча тӏемай ветеранаш хьаллоацаш», - аьлар хоамо.
Из дика гӏулакх дӏахьош мел гулдаь ахча дӏахьожадергда лорий новкъостал дара - эшаш бола кхоачам, гӏирс эцара, протезаш яра, меттаоттабара.
Фирма белгало тӏайола гӏирс бувхаш бола волонтёраш болх беш хургба сагӏа доаккхача лаьрххӏача доазон тӏа. Из седкъилг хьалургба новкъостий майдаш тӏа – «Россе Почта» отделенешка, российский цӏермашинашка, маркетплейсашка, мах беча моттигашка.
Хӏара сага цига дакъа лацар накъадоал шоай тӏема декхар кхоачашдеш, денал гойташ, хьамсара мохк лорабеш лаьттарашта.
