Заӏапхой болча СВО ветеранашка хьажар, керттерча декхарех да
«Даьхен лорабой» яхача ганза мехкарча филиала болхлошта хьалхашка латтача керттерча декхарех да, заӏапхой болча СВО ветеранашта къаьстта йоккха терко еш, царна эшар фуд хьожаш хилар.
«Ганза вай мехкарча филиала кулгал деш вола Оздой Муслим ваха хилар, тӏема аренашка хиннача човнех дегӏа маьженаш хьоалуш воаца Шоанахой Руслан волча. Цун дегӏа хьалага хьежа, из чуӏеш долча цӏагӏа СВО заӏапхой болча ветеранашта лаьрхӏача программага гӏолла хувцамаш дергдолаш, зем баьккхар цу дийнахьа», - йоах тхога бенача хоамо. Бустамаш даьха, тӏема операце ветерана цӏагӏарча нахаца цу балхах лаьца къамаьл дир ганза болхлоша.
«Хьаькъале цӏа» яхача оагӏонга гӏолла оазаца цӏагӏара цхьацца гӏулакхаш кхоачашде йиш хургйолаш, иштта наӏара санагӏаш дӏашердеш, кхыдола хьал аттача доаккхаш дола балхаш деш, къахьегаргда заӏапхочун цӏагӏа.
«Даьхен лорабой» яхача ганзага гӏолла йоаржаеш йолча программо боккха аьттув лу заӏапхой болча СВО ветеранашта. Тха декхар да, низ дӏа ма кхоачча, могаш боацача ветераний хьал аттачахьа даккхар, цӏагӏара гӏулакхаш кхоачашде царна аттагӏа хургдолаш хувцамаш дар. Шоанахой Руслана цӏагӏа дӏаболабаьб из болх, аз айса тӏахьожам беш кхоачашдергда деррига боаггӏача боараме», - аьлар ганза филиала хьалха латтача Оздой Муслима.
