Мехка цӏихеза бола кардиохирургаш вай мехкарча берашка хьожаш хилар
26.05.2026 08:58
Бакулев Н.А. цӏерах йолча дега хулача лазарех йолча Къаман унахцӏенон тохкама моттигера лораш, вай республике ши кӏира доаккхаш, могаш доацача берашка хьожаш хилар. Наьсарерча берий поликлинике дӏабихьар из болх. Дега лазар долаш малхадаьннача 154 берага хьежар Москвера лораш. «Геттара халача хьале дола 27 бер хьахержар боккхача лораша эттӏадергдолаш.
Бакулевски дарбанче дӏахьожабергба уж. Эттӏаде дезаш доацача берашта малагӏа дарба лоаттаде деза къоастадир цар. Иштта хьалхагӏа эттӏадаьча берий хьал а техкар лораша, де дезар хьалхадоаккхаш, болх дӏабихьар», - дийцар «Сердалога» цу оагӏонцарча министерствос.
Республикера арабовла ца безаш, лакха говзал йолча лорашта бераш тӏадига йиш хилар ноаной.
