СВО ветеран Ганенаькъан Мухьмад МЧСе балха оттавир
«Даьхен лорабой» ганза Гӏалгӏайчен филиало новкъостал дир лаьрххӏача тӏема операце ветерана республикан МЧСе балха отта.
«Ганзо новкъостал дир, балха оттабара лаьрххӏача программанна чудоагӏаш, ше тӏахьожам лоаттабеча лаьрххӏача операце ветерана.
Вахара хаттарашцара болх лелабеча Йовлой Мухьмада новкъостал а деш, из чакхваьлар хоржаш дӏабихьача балхах. Из хаттар кхоачашдеш, дукхагӏа гӏо даьр яр мехка гӏолла йола МЧС Керттерча урхаллен болхлой Дӏаэцара моттиг. Ганенаькъан Мухьмада новкъостал дир каьхаташ гулдеш, профессионально-психологически хоржам дӏахьош, тӏема-лорий комиссе чакхвоалаш», - аьлар хоамо.
«Аз баркал оал ганза, сайна новкъостал дарах. МЧСе сай моттиге волаш санна хет сона се. Укхаза, тӏема мугӏарашка латташ санна, тешшаме новкъост хилар, гӏулакха кийча хилар эш хьалхарча аргӏагӏа», - аьлар бӏухочо Ганенаькъан Мухьмада.
