ГӏалгӀай мехка юха а криптовалюта ду моттигаш гучаяьлар
Рейд дӀахьош, Тӏой-Юрта, «Къилбаседа Кавказа Россетий» – «Ингушэнергос» гучадаьккхар криптовалюта майнинго электроэнерги дӀаозаш хилар, яхаш, дийцар «Сердало» газетага мехка Паччахьалкхен зарбан болх лелабераша.
«Цо гучадаьккхар, бокъонах доацаш ахархой-фермерски боахама оагӀорахьа тока саьрг дӀахетта хилар. Ток лечкъайир зуламхоша юхе латтача трансформатора тӀара, 0,4 кВ йола массехк тока саьрг чутесса. Цхьана дӏалаьрхӏача из ба 350 метр», - аьлар хоамо.
Ялат докъадеш бола гӀирс латтача цхьан ангара чура корадир криптовалюта деш хилар.
Токаца Ӏалашо яра йолча компане говзанчаша, полице тохкаш да хинна зе мелд, иштта цу гӀулакха бехке малав.
Белгалдоаккх, хьалха хоам баьбар цу тайпарча майнинг-ферма болх соцабаь хиларах, ГӀР Шолжа кхален Эбарга-Юрта.
