Гӏалгӏай мехка хоржамаш долаш, кхерамзлен ӏалашо ергья
Гӏалгӏайчен Паччахьалкхен Председатела Сластенин Владимира, республикан министерствай, боахамий кулгалхоша дакъа лаьцар Чайка Юре кулгал деш дӏахьош хиннача видеоконференце.
Тов бетта 20-ча дийнахьа, Цаӏ дола кхадж тассара ди долаш, юкъарлон кхерамзлен ӏалашо яр, дӏахо кийчо яра хаттар дар цига дийцар. Къилбаседа-Кавказа федеральни куран тӏа, кхыча моттигашка санна федеральни, республикан, доал деча даькъ тӏара хоржама компанеш дӏахьоргья. УКерттерча хоржамий комиссе лаьрхӏачох, хоржама доакъош болх беш хургда кхаь дийнахьа, тов бетта 18-ча денгара дӏадоладенна», - аьлар моттигерча паччахьалкхене.
Кхетаче чакхйоалаш из дӏайихьачо тӏадиллар, хоржамаш дӏадахьале а, уж даьнначул тӏехьагӏа а цахадаш вахаре эшаш дола хьалаш хилийтар. Цу гӏулакха хьалххе а кийчо яр лоархӏаме долга белгалдир.
«Украина неонацисташа, малхбузен викалаша шоашта могар дергда юкъарлон а паччахьалкхен а юкъе цатоам баккхара, хоржамашта новкъарло яра. Цудухьа, цар аьттув баргбоаца оагӏув тешшаме хила еза, хӏара кхадж тоссаш вола доакъашхо кхерамзлен ӏалашо йолаш хургволаш, кандидаташкара дӏаболабенна, кхадж тасса боагӏаргболча миллионаш болча бахархошка кхаччалца», - аьлар Къилбаседа-Кавказа федеральни куран РФ Президента викал ваьча Юрий Чайкас.
