Цӏеча книжканна юкъейихьача Кавказа акха котама фу меттаоттаде гӏерташ, къахьегаш ба мехка
Республикерча ӏалама тӏехьаленцара хӏама тоадара тӏехьа къахьегаш ба тахан мехка. Сурхо тӏарча, Яндарерча хьун моттигашка 50 совгӏа кавказски акха котамаш дӏахийцар. Уж кхееш къахьийгар ва вай мехкахо Могушканаькъан Бахьаудин. Ший доалахьарча боахаме царна эшаш мел дола хӏама лоаттадеш, боаггӏача боараме терко еш, хьалкхеяьй цо уж.
«Дикка хьожаш кхеярах, низ чубенна йола акха котамаш аренашка лела кийча йолаш яр. Укх тӏехьарча итт шерашка геттара кӏезига яр уж вай хьунашка. Цар фу ца хадийта, 2000-ча шера царна чарахьал дар дийхкар паччахьалкхено, Цӏеча книжканна юкъейихьар», - дийцар «Сердалога» мехкарча Паччахьалкхене.
Акха котамаш хьунашка чӏоагӏа эшаш, пайда беш я хьун боахама зе деш йола садоалла хӏамаш юаш хиларах. Могушканаькъан Бахьаудина сатувс цу акхача котамаша Яндарерча, Сурхо тӏарча хьунашка беркате фу доаржадарга, массехк шу даьлча уж дикка дукхагӏа хиларга, хӏаьта бахархоша царна кӏийленна ухарех лорае еза уж.
