Берашта доагӏаш дола ахча меттаоттадеш, гӏо дир вай мехкахочунна
Хӏара денна шоай декхараш кхоачашдеш, къахьегаш ба мехкарча УПЧ. Мужеча яхача кхалсага берашта доагӏаш дола ахча меттаоттадеш къахьегаш хилар уж укх наькъа.
«Сага бокъонех вола викал волча латкъа енача кхалсага дийцачох, из пхи бер кхедеш я. ӏаьдалгара хӏанзолца хьаихача ахчан юкъера цхьан бера доагӏар соцадаь латт карарча хана. СФР белгалдечох, из бер цун да, аьнна, каьхаташ дац цхьанна моттиге. Ший хур даь из гӏулакх меттадоаладе эттача бера ахча хьадолалуш дац. Сага бокъонех волча викала Россе Вахара оагӏонцарча ганзага гӏолла боаггӏача боараме хьатехкар из гӏулакх», - дийцар «Сердалога» УПЧ.
Тохкама балхо хьахьекхар, ший бера доагӏар хьадалийта гӏерташ цу кхалсагаа дуккхаза къахьийгалга, бакъда цхьацца кхоачамбоацараш керте увттадеш, ахча хьадоладалийтадац, цул совгӏа, 18 шерга кхаьча дезалхо очно деша вагӏаш ва, аьнна, каьхат а хиннадац чуденна.
СФР болхлоша, наьнаца бувзаме баьнна, боаггӏача боараме тоадир из гӏулакх. Эшаш хинна каьхаташ малагӏаш да цар белгалдаь, уж дӏачуделар цо. Таханарча дийнахьа цун диъ бера 100%-га кхоачаш ахча хьадоладеннад.
Цул совгӏа, цу бетташка соцадаь мел лаьттар а меттаоттадергда.
